Құрсақ қолқасы

Құрсақ қолқасы

Құрсақ қолқасы (брюшная аорта); (лат. aorta abdominalis)

— көкеттен (диафрагмадан) кейінгі қолқаның құрсақ қуысындағы жалғасы. Құрсақ қолқасы - омыртқа бағанының төменгі (адамда — алдыңғы) бетінде, артқы (адамда - төменгі) қуыс венаның сол жағында орналасады. Диафрагманың оң және сол аяқшаларының арасымен көкірек қуысынан құрсақ қуысына өтіп, одан әрі жамбас қуысына жеткенге дейін, құрсақ қолқасынан: құрсақ қуысы қабырғасына — қабырғалық (париетальды) артерия тармақтары, ал құрсақ қуысындағы ішкі мүшелерге — іштік (висцеральды) артерия тармақтары бөлініп ажырайды.